СОУЛКРАФТ

Во 2006та година, Никола и Анет Галевски и ептен мала група на ентузијасти кои можеа да се избројат на пола рака ја започнаа Евангелска Црква Соулкрафт. Сакавме современа скопско-македонска црква која ќе ги води луѓето во започнување и култивирање на живот со Исус Христос. Кога велиме црква, мислиме на луѓе - не на цигли и малтер. Без многу религиозности и неразбирливи христијанизми, туку со реален, современ пристап. Од тогаш до ден-денес тераме со ќеиф. Заедно со луѓе кои сакаат да го следат Исус Христос каде и да се. На студии, на работа, во уметнички потфати, спорт, политика. И најтешкото - дома и помеѓу најблиските пријатели.

​

Кога ќе дојдеш ќе го видиш очигледното: далеку сме од совршени. Ама такви какви што сме сакаме да те вклучиме и да ти дадеме поддршка во твоето започнување и култивирање на живот со Исус Христос во контекст на другарство, поддршка и можности за твое вклучување во сите наши содржини. Без разлика на твојот пол, на твоите ставови кон вера или религија, етничка припадност, пари или без пари, што музика слушаш, за кого навиваш во Премиер лига, дали живееш здраво или си на 7ца - наше е да ти кажеме:

​

Бујрум, те чекаме!