Пишав на твитер пред некое време, ќе повторам пак. Бесплатно венчавам. Ако некој сака да се венча во црква со христијанска церемонија, а нема пари - јас ќе го направам тоа бесплатно и со ќеиф.
ЕЦ Соулкрафт е евангелско-протестантска црква и сака да помогне на оние кои имаат ваква желба. Да не се фалам, сите венчавки сум ги извршил беспрекорно квалитетно. Браковите уште траат без проблем. Сервисот на браковите е бесплатен исто така и вклучува брачни советувања и молитва.
Погребите исто така ги вршам бесплатно. Ако некое семејство има потреба од христијански погреб, а не може да го плати - пишете ми.
Бесплатно погребувам и самоубијци. Верувам дека секој човек, без разлика на неговиот живот и одлуки, заслужува човечки погреб. Не сакам да ја судам човековата мака, зашто човек од арно не се самоубива. Затоа ги погребувам оставајќи Бог еден ден да го има конечниот суд за личноста.
Само уште два збора: ќе го има и за мене.